Lumabas na ang balita na magsasama sa isang morning talk show ng ABS-CBN sina Kris Aquino at Anthony Taberna. Reportedly, Kris & Tunying ang working title ng programa at diumano, ito ang ipapalit sa KrisTV.
May mga nag-aabang na sa Kris & Tunying dahil na-excite sila sa pagsasama ng dalawa sa mga mahuhusay na talk show host ng bansa.
Pero noong weekend, nakarating sa amin ang balita na hindi na raw matutuloy ang plano na pagsamahin sina Kris at Anthony. Ayon sa Abante source, nag-taping na sina Kris at Anthony para sa kanilang bagong television show pero hindi raw ito pumasa sa panlasa ng Kapamilya management.
Malalaman natin sa mga susunod na araw kung may katotohanan ang impormasyon na natanggap ng Abante mula sa source na nagsabi na siguradung-sigurado ito sa kanyang kuwento.
Source: www.abante.com.ph
Post a Comment