Yabangan sa track record

Sa isyu ng mga kinukuwestyong yaman, ito ang sagot ni Binay, “Nalagay ako sa pwesto, ako ay nanungkulan 1986 at bago ako nanungkulan, nakapag-practice naman ako ng law at ang misis ko ay nakapag-practice ng pagkadoktora,” ani Binay. Uulitin ko po, ang aking propedad ay namana ko bago ako napunta sa panunungkulan.”

Si Defensor-Santia­go, ipinagtanggol ang kanyang karapatang tumakbo sa pagka-pangulo sa kabila ng kinukuwest­yong kalusugan. Maaa­ring nagkasakit umano siya noon ng kanser ngunit pinanindigang kuwalipikado siyang kumandidato sa posisyon.

Si Duterte ay dumipensa sa kanyang pagmumura, trato sa mga babae at maging ang ibinibida niyang pagpatay sa mga kriminal. Binigyan-diin nito na kapag naging pangulo ay sisiguruhin niyang naaayon sa batas ang gagawin niyang paglipol sa mga kriminal, lalo ang mga drug syndicate, na muli ay sinabi nitong gagawin niya sa loob ng 3-6 buwan.

Si Poe, tumanggap ng puna sa pagiging pinaka-bagito sa hanay ng mga kandidato na sinagot nitong, “Kaya po sa ating mga kababayan, pare-pareho lang naman ang problema ng Pilipinas e, pare-pareho nandyan. Wala pong proof na kapag matagal ka na sa pwesto mas magaling ka.”

Si Roxas, nagpaliwanag sa mga paratang ukol sa kapalpakan sa kanyang panunungkulan bilang DILG secretary noong nanalanta ang bagyong ‘Yolanda’ at sa mga aberya sa MRT-3 na nasa ilalim ng DOTC na sandali rin niyang pinamunuan.

Muling pinagdiinan ni Roxas na nasa Yolanda-hit areas siya bago habang at pagkatapos ng bagyo at hindi niya iniwan ang mga sinalanta hanggang sa makarekober. 

Ibinida rin nito na siya ang pumigil sa mga kontrata sa MRT-3 na lalong magpapalala sa kondisyon nito sabay sabing sa bagong mga kontrata ay nagdadati­ngan na ang mga bagong bagon. 

Source: abante.com.ph